ئارگېنتىنا پىرېزىدېنتى يۇقۇملاندى

تۈركىيە ئاۋازى رادىيوسى خەۋىرى: فېرناندېز تىۋىتتېردىكى ئادرېسىدا بايانات ئېلان قىلىپ: «بۈگۈن  قىزىتمامنىڭ  37.3 گىرادۇسقا ئۆرلىشى ۋە يېنىك دەرىجىدىكى باش ئاغرىقىم سەۋەبىدىن تەكشۈرتكۈزگەن يۇقۇم نەتىجىسى مۇسبەت چىقتى. گەرچە پولىمېرازا زەنجىرسىمان رېئاكسىيە ئانالىزاتورى  سىناق نەتىجىسىنى ساقلاۋاتقان بولساممۇ، ئۆزۈمنى كارانتىن قىلدىم، مەن نۆۋەتتىكى بەلگىلىمىلەرگە ئەمەل قىلىمەن ۋە شەخسىي دوختۇرىمنىڭ كۆرسەتمىسى بويىچە ئىش قىلىمەن» دېدى.

پىرېزىدېنت فېرنادېز يېقىنقى 48 سائەت ئىچىدە ئۆزى بىلەن ئالاقىلەشكەن كىشىلەرنى بۇ ئەھۋالدىن ۋاقىپلاندۇرغانلىقىنى بىلدۈرۈپ: «مەن جىسمانىي جەھەتتىن ياخشى، تۇغۇلغان كۈنۈمنى تەبرىكلەش پائالىيىتىنى بۇ خەۋەرنى ئاڭلىمغان شەكىلدە ئاخىرلاشتۇرۇشنى ئويلاۋاتىمەن، روھىي ھالىتىم ناھايىتى ياخشى. بۈگۈن تۇغۇلغان كۈنۈمنى ئەسلەپ، ماڭا ئىزھار قىلىنغان مېھىر – مۇھەببەت يىغىلىشلىرىغا چىن كۆڭلۈمدىن رەھمەت ئېيتىمەن» دېگەنلەرنى قەيت قىلدى.

62 ياشلىق پىرېزىدېنت فېرناندېز 2021 - يىلى 1 - ئاينىڭ 21 - كۈنى سپۇتنىك V بىلەن Covid - 19 ۋاكسىنىسىنىڭ بىرىنچى قۇتىسىنى ئەملەتكۈزگەنىدى.