iran: baydin trampning siyasetlirini yaqlimaqta

türkiye awazi radiyosi xewiri: iran tashqi ishlar ministiri muhemmed jewad zerif ijtimaiy taratqu supisi— klabhawsta söz qilip, amérikaning aldi bilen bergen wedilirige emel qilishi kéreklikini we her ikki terepning oxshash waqitta qedem tashlishi toghrisidiki teklipni qobul qilmaydighanliqlirini yene bir qétim otturigha qoyup: «amérikaliqlar töt yilliq tarixni öchürüwételmeydu. baydin trampning siyasitini yaqlimaqta. (nöwette) tramp qilip baydin qilmighan héchqandaq ish yoq. irangha oxshash shekilde bésim ishlitishni dawamlashturmaqta. biz waqitliq qedemlerning tashlinishigha qarshi emes, biraq amérika qoshma ishtatliri aldi bilen wedilirini orundishi kérek» dédi.

xitay bilen imzalanghan 25 yilliq keng dairilik hemkarliq kélishimi toghrisidimu toxtalghan muhemmed jewad zerif, xitay bilen bir yol xeritisi imzalanghanliqini we buning tereplerni özara wede bérishini shert qilmaydighanliqini bildürdi.

u: «xitay kelgüside dunyaning chong küchi bolidu, bizningmu uning bilen yaxshi munasiwitimiz bolushi lazim. bu bashqa döletler bilen munasiwetlerni güllendürüshke tosalghu bolmaydu» dédi.

gérmaniye yaki bashqa bir gherb döliti telep qilghan teqdirde, 25 yilliq hemkarliq kélishimi imzalashqa tosalghu bolidighan héchqandaq bir amilning yoqluqini bildürgen zerif, sözini dawamlashturup: «xitay yadro kélishimidin kéyinki keng dairilik hemkarliq kélishimi tüzüsh shertlirini muwapiq dep qaridi. rusiye yadro kélishimidin kéyin bizge s-300 hawa mudapie sistémisi sétip berdi. héchkim manga xitay bilen kélishim tüzüshüm üchün bésim ishletmidi» dégenlerni qeyt qildi.