amérika sudan bilen yéngi sehipe échishqa teyyar ikenlikini bildürdi

amérika tashqi ishlar ministiri blinkén sudanning térrorluqning qurbanliri we aililiri üchün ewetken 335 milyon dollarliq tölemni tapshuruwalghanliqlirini bildürüp, sudan bilen munasiwetlerde yéngi sehipe échishqa teyyar ikenliklirini eskertti.

1612898
amérika sudan bilen yéngi sehipe échishqa teyyar ikenlikini bildürdi

türkiye awazi radiyosi xewiri: amérika tashqi ishlar ministiri antoni blinkén yazma bayanatida, mezkur tölemning 1998-yili amérikaning kéniye we tanzaniyediki elchixanisigha qilinghan térrorluq hujumining qurbanliri bilen 2000-yili amérikaning «u s s kol» namliq paraxotigha qilinghan hujumning qurbanlirigha, 2008-yili sudanda öltürülgen amérika xelqara tereqqiyat agéntliqining xizmetchisi jon granwil (John Granville) ailisige bérilidighanliqini qeyt qildi.

u ötken hepte tölem musapisining axirlishishi bilen kongrege, «sudanning igilik hoquqining qaytidin békitilgenliki» ni bildürgen idi.

u: «bu qiyin musapini arqida qaldurghan bügünki künde, amérika-sudan munasiwetliride yéngi sehipe échilishi mumkin. ikki terep munasiwetlirini tereqqiy qilduridighan qedemlerni basimiz» dédi.

amérika aliy soti ötken yilqi (2020) qararida, sudan hökümitining 1998-yili amérikaning kéniye we tanzaniyediki elchixanilirigha qilinghan térrorluq hujumining qurbanlirigha, hemde yéqinlirigha 10  dollardin artuq tölem tölesh qararini chiqarghan idi.

sudan hökümiti amérikaning sabiq pirézidénti donald tramp hökümiti bilen söhbetlishish netijiside, 335 milyon dollar töleshni qobul qilghan. pirézidént tramp bolsa, sudanni térrorluqni qollighan döletler tizimlikidin chiqarghanliqlirini élan qlghan.

sudan ötken yili (2020) dékabir éyida térrorluqni qollighan döletler tizimlikidin resmiy chiqirilghan idi.



مۇناسىۋەتلىك خەۋەرلەر