blinkén ukrainaning zémin pütünlükini tekitlidi

amérika tashqi ishlar ministiri antoni blinkén rusiyening «urushqaqliqi» gha qarshi amérikaning «ukrainaning igilik hoquqi we zémin pütünlükige sadiqliqini» ni yene bir qétim tekitlidi.

1612723
blinkén ukrainaning zémin pütünlükini tekitlidi

türkiye awazi radiyosi xewiri: amérika tashqi ishlar ministirliqining bayanatchisi néd prays (Ned Price) ministir antoni blinkén bilen ukraina tashqi ishlar ministiri dmitro kuléba (Dmitro Kuleba) ning téléfon söhbiti toghrisida yazma bayanat élan qildi.

bayanatta: «ministir antoni blinkén rusiyening donbas we qirimda dawamlashqan urushqaqliqigha qarshi ukrainaning igilik hoquqigha we zémin pütünlükige bolghan tewrenmes sadiqliqini yene bir qétim tekitlidi» déyildi.

bayanatta qeyt qilinishiche, antoni blinkén ukrainaning sherqidiki jiddiychilik toghrisida endishesini tilgha élip, jénidin ayrilghan ukraina eskerlirige teziye bildürgen.

u ukrainadiki démokratik idare-organlarni kücheytish we qanunning üstünlükini qoghdashni eskertken. wuxen wirusi(Kovid-19)  we kilimat özgirishge qarshi küresh qatarliq mesililer boyiche pikir birliki hasil qilghan.

donbasning shumi rayonida 26-mart (2021) rusiye terepdari bölgünchilerning oq chiqirishi netijiside, töt ukraina eskiri jénidin ayrilghan idi.

mezkur rayonda namda musteqilliqini élan qilghan rusiye terepdari bölgünchiler bilen kiyéw hökümiti otturisida 2014-yilidin buyan dawamlashqan toqunushlarda 13 mingdin artuq kishi jénidin ayrilghan idi.



مۇناسىۋەتلىك خەۋەرلەر