birma armiyesi waqitliq urush toxtatti
birmada herbiy özgirish qozghap, saylanghan hökümetni texttin chüshürgen armiye, dölette bir ayliq urush toxtitish élan qildi.
türkiye awazi radiyosi xewiri: birma armiyesi qomandanliq ishtabi bashliqi min ang xlaying (Min Aung Hlaing) étnik qoralliq guruppilar bilen tinchliq söhbitini dawamlashturush we 13-16-apréldiki diniy yéngi yil tebriklesh murasimlirining xatirjemlik ichide ötküzülüshi üchün 30-aprélghiche armiyening öz aldigha urush toxtitish élan qilghanliqini bildürdi.
général xlaying urush toxtitishning bezi ishlardin mustesna ikenlikini eskertip: «armiye hökümetning xizmitige buzghunchiliq qilidighan paaliyetlerge qarshi jemiyet tertipini qoghdishi, urush toxtitishning sirtida» dédi.
yene bir tereptin, birma öktichi parlamént ezaliri teripidin xelq teripidin saylanghan hökümetni qayturup kélish üchün qurulghan dölet parlaménti wekillik komitéti, 2008-yili armiye tüzgen, hazir ijra qiliniwatqan asasiy qanunni étirap qilmaydighanliqini uqturdi.
herbiy hökümetke qarshi waqitliq hökümet we étnik qoralliq guruppilarning yardimi bilen fédératsiye armiyesi qurushqa tirishqan dölet parlaménti wekillik komitéti twittérda, özi teyyarlighan waqitliq asasiy qanunni élan qildi.
dölet parlaménti wekillik komitéti yéngi asasiy qanungha asasen hökümet qurush xizmetlirini bashlighanliqlirini bildürdi.
dölet parlaménti wekillik komitétining bayanatidin kéyin, herbiy hökümetke qarshi xelq, yangon we mandalayda 2008-yili tüzülgen asasiy qanun kitabini köydürüp namayish qildi.
birmada 6-féwraldin buyan dawamlishiwatqan namayishlarni xewpsizlik küchlirining basturushi netijiside jénidin ayrilghanlarning sani 536 ge yetti.
siyasiy tutqunlargha yardem teshkilatining bayanatida, 2 ming 729 kishining tutqun qilinghanliqi, 120 üstidin tutush buyruqi chiqirilghanliqi qeyt qilindi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
