b d t amérikani yer shari xaraktérlik pilangha rehberlik qilishqa chaqirdi
birleshken döletler teshkilati bash katipi antonyo gutérésh, amérika qoshma ishtatliridin «kowid – 19» yuqumini tügitish üchün yer shari xaraktérlik waksina emlesh pilangha bashlamchiliq qilishini telep qildi.
türkiye awazi radiyosi xewiri: antoniyo gutérésh, amérika qoshma ishtatliri tashqi ishlar ministiri antoni blinkén bilen widéo konférans wasitisi arqiliq élip barghan uchrishishining axbarat wasitilirigha ochuq bölümide, amérika qoshma ishtatlirining yéngi hökümitining, yer shari xaraktérlik mesililerge köp tereplik hel qilish charisi tépish mesiliside tashlawatqan qedemlirining memnuniyet bilen qarshi éliniwatqanliqini eskertish bilen bir waqitta, amérika qoshma ishtatlirining «parizh kilimat kélishimi» gha qaytishining dunyagha ümid signali yollighanliqini, shundaqla dunya sehiye teshkilatigha ishtirak qilishining, «kowid – 19» yuqumigha qarshi küreshte muhim hemkarliq namayendisi ikenlikini, «kowid – 19» yuqumini tügitish üchün yer shari xaraktérlik pilangha éhtiyaj barliqini tekitlep mundaq dédi: «amérika qoshma ishtatliri bu heqte muhim rol oynishi mumkin, 20 – g guruhi döletlirige bu pilanni tereqqiy qildurush we rehberlik qilish üchün jiddiy ehwallargha taqabil turush küchi shekillendürüsh tekipini sundum, emma tesiri küchlük bir amérika rehberliki bolmay turup, buni ishqa ashurush mumkin emes.»
