хитай парахотлириниң йапонийә деңиз тәвәликигә киргәнлики билдүрүлди
хитайниң икки деңиз қирғиқи мудапиәси парахоти шәрқий хитай деңизидики дә-талашлиқ сенкаку араллири әтрапидики йапонийә деңиз тәвәликигә кирди.
1610410
түркийә авази радийоси хәвири: йапонийәниң ғәрбий җәнубиға җайлашқан окинава өлкисиниң наһа наһийәсидики 11- район деңиз қирғиқи мудапиәси қоманданлиқиниң билдүрүшичә, хитай парахотлири йапонийә деңиз тәвәликигә киргән.
шу җай вақти сәһәр саәт 4 әтрапида дәталашлиқ сенкаку араллири әтрапини айланған парахотлар, саәт 4 тин 20 минут өткәндә минами – коҗима арилиниң 20 километир җәнубиғичә йеқинлашқан.
йапонийә деңиз қирғиқи мудапиәси қоманданлиқи хадимлири хитай парахотлирини райондин чиқип кетиш тоғрисида агаһландурған.
йапонийәниң дөләт игиликидики медийа оргини — NHK ниң хәвиригә қариғанда, хитайниң дөләт игиликидики парахотлири сенкаку араллири әтрапида бу йил (2021) ичидә 11 қетим йапонийә деңиз тәвәликигә қанунсиз киргән.
