birmada jénidin ayrilghan namayishchilar sani 459 gha chiqti
birmada herbiy özgirish we saylanghan hökümet ezalirining tutqun qilinishigha qarshi namayishlarni xewpsizlik küchlirining qoralliq basturushi netijiside, jénidin ayrilghanlarning sani 459 gha chiqti.
türkiye awazi radiyosi xewiri: birma siyasiy tutqunlargha yardem qilish jemiyitining élan qilghan künlük doklatida, yéqinqi 24 saette 36 kishining jénidin ayrilghanliqning toghrilanghanliqi bildürülüp, jemiy ölüm sanining eng az dégende 459 gha yetkenliki qeyt qilindi.
doklatta yene, birmada 2 ming 559 kishining tutqunda ikenliki we 119 kishining mexpiy tutulghanliqi eskertildi.
yene bir tereptin, birma armiyesi bilen karen étnik guruppisining qoralliq guruppisi hésablinidighan «karen dölet ittipaqi» otturisidiki toququshlar, tünügünmu (2021-yili 28-mart) dawamlashti.
birma armiyesi karen ishtatigha qarashliq hpapun rayonida élip barghan hawa hujumi netijiside, 3 ming puqra yurt-makanliridin ayrildi.
tünügün birma armiyesining mandalayda ot qoyup bergen bir binada yette kishi jénidin ayrildi, 11 kishi yarilandi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
