b d t dunya elliridin süriyeliklerge béridighan yardemlirining miqdarini ashurushini telep qildi

birleshken döletler teshkilati (b d t) bélgiyening paytexti biryussélda ötküzülidighan süriye yighinidin ilgiri yardemge mohtaj 24 milyon süriyelik üchün 10 milyard dollar yardem bérish toghrisida chaqiriq élan qildi.

1610255
b d t dunya elliridin süriyeliklerge béridighan yardemlirining miqdarini ashurushini telep qildi

türkiye awazi radiyosi xewiri: b d t insanperwerlik ishlirini maslashturush ishxanisi, b d t musapirlar aliy komissarliqi we b d t tereqqiyat pirogrammisi birleshme bayanat élan qilip, xelqara jemiyettin milyonlighan süriyelikke béridighan yardimining miqdarini köpeytishini telep qildi.

süriyeliklerning künséri éghirlishiwatqan acharchiliq we namratliq xewpige duchar boluwatqanliqigha isharet qilinghan bayanatta, qoshna döletlerning her 5 süriyelikning 4 ige sahibxanliq qiliwatqanliqi otturigha qoyuldi.

dölet ichi we qoshna döletlerdiki yardemge mohtaj süriyelikler sanining bu yil 20 milyondin 24 milyongha köpeygenliki eskertilgen bayanatta yene, 2021- yili süriyeliklerning éhtiyajini qandurush üchün 10 milyard dollar fondigha éhtiyaj barliqi, buning 4 milyard 200 milyon dollirining süriyening ichidiki, besh milyard 800 milon dollirining qoshna döletlerdiki musapirlargha ishlitilidighanliqi qeyt qilindi.


خەتكۈچ: #yardem , #süriye , #b d t

مۇناسىۋەتلىك خەۋەرلەر