bérma armiyesining xelqqe qilghan wehshiylikini 12 dölet birlikte eyiblidi

bérma bixeterlik qisimlirining siyasiy özgirishke qarshi qoralsiz namayishchilargha qilghan wehshiylikini 12 dölet birlikte eyiblidi.

1609864
bérma armiyesining xelqqe qilghan wehshiylikini 12 dölet birlikte eyiblidi

türkiye awazi radiyosi xewiri: amérika, awistiraliye, kanada, gérmaniye, girétsiye, italiye, yaponiye, daniye, gollandiye, yéngi zélandiye, jenubiy koréye we engiliyening dölet mudapie ministirliri bérma bixeterlik qisimlirining siyasiy özgirishke qarshi qoralsiz namayishchilargha ejellik küch ishletkenlikini eyiblidi.

mezkur 12 döletning dölet mudapie ministirliri élan qilghan ortaq bayanatida bérma armiyesini zorawanliqqa xatime bérishike we qilmishliri bilen bérma xelqining neziridin chüshüp ketken hörmiti we ishenchliklikini qaytidin eslige keltürüshke chaqirdi.

bayanatta, muntizim bir armiyening xelqara ölchemlerge emel qilishi we xelqqe ziyan yetküzüshning ornigha ularni qoghdash üchün xizmet qilishi kérekliki tekitlendi.

bérma bixeterlik qisimlirining siyasiy özgirishke qarshi qoralsiz namayishchilargha «ejellik küch ishletkenliki» eyiblendi.

tünügün bérmada herbiy siyasiy özgirishke we saylanghan hökümet ezalirining tutup turulushigha qarshi ötküzülgen namayishqa bixeterlik qisimliri qoralliq ariliship, 114 namayishchini öltürgen idi.


خەتكۈچ: #wehshiylik , #armiye , #bérma

مۇناسىۋەتلىك خەۋەرلەر