amérika pelestinge iqtisadiy yardem berdi

türkiye awazi radiyosi xewiri: amérika tashqi ishlar ministirliqi yazma bayanat élan qilip: «amérika qoshma ishtatliri hökümiti iyordan deryasining gherbiy qirghiqi we ghezze rayonidiki pelestinliklerge 15 milyon dollar insanperwer yardimi bergenlikini élan qilishtin xushalliq hés qilidu» dégenlerni qeyt qildi.

bayanatta, bu yardemning amérika xelqara tereqqiyat agéntliqi arqiliq qilinghanliqini we ghezze rayoni bilen iyordan deryasining gherbiy qirghiqidiki katolik yardem xizmetliri teshkilatining kowid – 19 gha qarshi kürishige hesse qoshushni nishan qilidighanliqigha isharet qilindi.

bu pulning yene mezkur ikki rayondiki jiddiy ashliq yardimi paaliyetlirigimu ishlitilidighanliqi eskertildi.

pelestin bash ministiri muhemmed ishtiyye, amérikaning pelestinliklerge qilghan insanperwer yardimige «toghra yönilishte tashlanghan bir qedem» dep baha berdi.

u bu heqtiki yazma bayanatida, yardem qilishning qaytidin bashlanghanliqidin xushalliq hés qilghanliqigha isharet qilip: «bu, amérika hökümiti bilen bolghan munasiwetlerning qaytidin tertipke sélinishi üchün toghra yönilishte tashlanghan muhim bir qedem» dédi.

pelestin bash ministiri, amérikaning yardemlirining sabiq pirézidént donald trampning pelestin mesilisige tutqan pozitsiyesi sewebidin toxtap ketkenlkini tekitlidi.