baydin yawropa ittipaqi  rehberliri bilen körüshti

türkiye awazi radiyosi xewiri: aqsaray teripidin élan qilinghan yazma bayanatta eskertilishiche, amérika qoshma ishtatliri pirézidénti jo baydin, yawropa ittipaqigha eza döletlerning rehberliri bilen widéo konférans sheklide körüshken.

 yawropa ittipaqigha eza 27 döletning dölet we hökümet bashliqliri qatnashqan, yawropa kéngishining bashliqi charlés mishél riyasetchilik qilghan uchrishishta, baydin,  amérika - yawropa ittipaqi munasiwetlirini qaytidin janlandurush iradilirining qetiylikini yene bir qétim tilgha alghan.

küchlük bir yawropa ittipaqining, amérika qoshma ishtatliriningmu menpeetlirige uyghun ikenlikini eskertken baydin, ortaq diplomatik qimmet ölchemlirining, dunyaning eng chong soda we sélinma shériklikining nahayiti zor ehmiyetke ige ikenlikini tekitlesh bilen bir waqitta, «kowid – 19» yuqumigha qarshi küresh, kilimat özgirishi tehditlirige taqabil turush, iqtisadiy munasiwetlerni chongqurlashturush, hakimiyettinmu bekrek démokratiyening hel qilghuch rol oynishi qatarliq mesililerde yéqindin hemkarlishishqa chaqiriq qilghan.

bayanatning axirida mundaq déyilgen: «pirézidént baydin, xitay we rusiyenimu öz ichige alghan döletlerge qarita diplomatiye siyasitide ortaq menpeetlerni qoghdash mesiliside hemkarliq asasida heriket qilishning muhimliqini, türkiye, jenubiy kawkaz, sherqiy yawropa we gherbiy balqan rayonliri mesilisidimu yawropa ittipaqi bilen amérika qoshma ishtatliri otturisidiki alaqining üzlüksiz dawamlishishining zörürlükini tekitlidi.»