birmadiki namayishlarda jénidin ayrilghanlarning 320 ge chiqti

türkiye awazi radiyosi xewiri: birma siyasiy tutqunlargha yardem qilish teshkilati namayishlargha munasiwetlik teyyarlighan künlük doklatida, yéqinqi 24 saette yene, 34 namayishchining jénidin ayrilghanliqini bildürdi.

doklatta, namayishlarda jemiy ölüm sanining 320 ge chiqqanliqi we jénidin ayrilghan 264 kishining xewpsizlik küchliri teripidin étip öltürülgenliki qeyt qilindi.

56 kishining ölümining éniqlinalmighanliqi eskertilgen doklatta, jénidin ayrilghan köpinche kishining 18 yashtin 24 yashqiche bolghan yashlar ikenliki tekitlendi.

birmaning kachin ishtatida heriket qiliwatqan we herbiy hökümetke qarshi namayishchilarni qoghdaydighanliqini jakarlighan «kachin musteqilliq armiyesi», ishtattiki bir herbiy qarawulxanini qolgha kirgüzdi.

birma naw xewerler tori (Now) ning ziyaritini qobul qilghan kachin musteqilliq armiyesining bayanatchisi, 25-mart (2021) kéche bashlighan we 11 saet dawamlashqan étishshilardin kéyin, xitay chégrasidiki alaw buam bazirigha jaylashqan qarawulxana bilen bir herbiy bazini qolgha kirgüzüshke muweppeq bolghanliqlirini élan qildi.

yene bir tereptin, herbiy özgirish bilen texttin chüshürülgen ang san suchining partiyesi bolghan döletlik démokratiye ittipaqining merkizige molotop bomba hujumigha uchridi.

ot kchürüsh xadimliri qisqa waqit ichide otni kontrol astigha aldi, emma hujumchining kimliki éniqlinalmidi.

birma armiyesi 2020-yili 8-noyabir ötküzülgen saylamlarda saxitipezlik qilinghanliqining ilgiri sürülüshi we dölet ichide siyasiy ixtilaplarning ötküzlishishidin kéyin, 2021-yili 1-féwral hakimiyetni ötküzüwalghan idi.

birma rmiyesi döletning emeliy rehbiri we tashqi ishlar ministiri ang san suchi we nurghun emeldarlarni, shundaqla hakimiyet béshidiki partiyening mesullirini tutqun qilip, bir yilliq jiddiy halet élan qilghan idi.

birma xelqi 2021-yili 6-féwral démokratiyege qaytishni telep qilip, namayish qilishni bashlighan idi.