seudi erebistanda xitay tashqi ishlar ministiri wang yigha muhim telepler qoyuldi

türkiye awazi radiyosi xewiri: pars qoltuqi döletliri hemkarliq kéngishi bash katipi nayif el hajraf tünügün seudi erebistanni ziyaret qilghan xitay tashqi ishlar ministiri wang yi bilen körüshti.

uchrishishtin kéyin, pars qoltuqi döletliri hemkarliq kéngishi teripidin élan qilinghan yazma bayanatta, bash katip nayif el hajrafning xitaygha iran bilen élip bérilidighan her qandaq yadro paaliiyetke dair muzakirige pars qoltuqi döletliri hemkarliq kéngishigha eza döletlerning qatnishishining intayin mohim ehmiyetke ige ikenlikini tekitligenliki bildürüldi.

nayif el hajraf yadro muhakirilerge ballistik bashqurulidighan bomba, uchquchisiz ayropilan we qatnash bixeterliki mesilisiningmu kirgüzishilishi kérekliki heqqide cheqiriqta boldi.

yene bir tereptin seudi erebistan resmiy xewer agéntliqi «SPA» ning xewirige asaslanghanda, xitay tashqi ishlar ministiri seudi erebistanning weliehdi shahzade muhemmed bin selman we tashqi ishlar ministiri faysal bin ferxan bilen ayrim ayrim uchrishish élip bérip, rayonning yéngi weziyitini muzakirileshken.

amérika we paris qoltuqi döletliri omumen iranni néfit paraxoti we eslihelirini hujum nishani qilish shundaqla déngiz qatnishi bixeterlikige tehdid sélish bilen eyiblep kelmekte.

iran bolsa bu eyibleshlerni ret qilip kelmekte.