сәуди әрәбистанда хитай ташқи ишлар министири ваң йиға муһим тәләпләр қойулди

парс қолтуқи дөләтлири һәмкарлиқ кеңиши, хитайға  иран билән елип берилидиған һәр қандақ йадро паалийити музакирилиригә, парс қолтуқи дөләтлири һәмкарлиқ комитетиға әза дөләтләрниңму қатнишишиниң моһимлиқини тәкитлиди.

1608617
сәуди әрәбистанда хитай ташқи ишлар министири ваң йиға муһим тәләпләр қойулди

түркийә авази радийоси хәвири: парс қолтуқи дөләтлири һәмкарлиқ кеңиши баш катипи найиф әл һаҗраф түнүгүн сәуди әрәбистанни зийарәт қилған хитай ташқи ишлар министири ваң йи билән көрүшти.

учришиштин кейин, парс қолтуқи дөләтлири һәмкарлиқ кеңиши тәрипидин елан қилинған йазма байанатта, баш катип найиф әл һаҗрафниң хитайға иран билән елип берилидиған һәр қандақ йадро паалиийәткә даир музакиригә парс қолтуқи дөләтлири һәмкарлиқ кеңишиға әза дөләтләрниң қатнишишиниң интайин моһим әһмийәткә игә икәнликини тәкитлигәнлики билдүрүлди.

найиф әл һаҗраф йадро муһакириләргә баллистик башқурулидиған бомба, учқучисиз айропилан вә қатнаш бихәтәрлики мәсилисиниңму киргүзишилиши керәклики һәққидә чәқириқта болди.

йәнә бир тәрәптин сәуди әрәбистан рәсмий хәвәр агентлиқи «SPA» ниң хәвиригә асасланғанда, хитай ташқи ишлар министири сәуди әрәбистанниң вәлиәһди шаһзадә муһәммәд бин сәлман вә ташқи ишлар министири файсал бин фәрхан билән айрим айрим учришиш елип берип, районниң йеңи вәзийитини музакириләшкән.

америка вә парис қолтуқи дөләтлири омумән иранни нефит парахоти вә әслиһәлирини һуҗум нишани қилиш шундақла деңиз қатниши бихәтәрликигә тәһдид селиш билән әйибләп кәлмәктә.

иран болса бу әйибләшләрни рәт қилип кәлмәктә.



مۇناسىۋەتلىك خەۋەرلەر