mérkél: türkiye istiratégiyelik ehmiyetge ige muhim dölet

gérmaniye bash ministiri angéla mérkél türkiyening peqet natoning ittipaqdishila emes, yawropa ittipaqining tashqi chégrasidiki ikkinchi nopusi eng köp istiratégiyelik ehmiyetke ige muhim dölet ikenlikini éytti.

1608387
mérkél: türkiye istiratégiyelik ehmiyetge ige muhim dölet

türkiye awazi radiyosi xewiri: mérkél, fédértsiye mejliside qilghan sözide, yawropa ittipaqi bashliqlar yighinida, yawropa ittipaqi – türkiye munasiwetliri we aqdéngizning sherqiy qismining weziyiti heqqide muzakire élip bérilidighanliqini tekitlep mundaq dédi: «yawropa ittipaqi sirtidiki qoshnilirimiz bilenmu munasiwetlerni tereqqiy qildurghandila andin yawropa ittipaqining kéngiyishi we parawanliqini ishqa ashurghili bolidighanliqini bilimiz, bu bolupmu köp yönilishlik munasiwetlerge ige shimaliy atlantik ehdi teshkilati ezasi türkiye üchün küchke ige, elwette.»

yawropa ittipaqi tashqi munasiwetler we bixeterlik ishliri siyasiti aliy wekili josép borélning bu köp yönilishlik munasiwetler heqqide doklat teyyarlighanliqini qeyt qilghan  mérkél, aqdéngizning sherqiy qismidiki özgirishler heqqide toxtilip mundaq dédi: ««aldi bilen, yéqinqi aylarda qibris we girétsiye su tewelikliride yüz bergen ighwagerchilik paaliyetliridin kéyin, türkiyening sherqiy aqdéngiz rayonida sürkilishni azaytish signali bérishi we girétsiye bilen qaytidin diyalog ornitishi xushallinarliq ehwaldur, qibrisning kélechiki mesiliside 1+5 döletlirining muzakirilirimu  birleshken döletler teshkilatining riyasetchilikide dawamlishidu.»

gérmaniyede uzun yillardin buyan köp sanda türklerning yashawatqanliqini éytqan  mérkél, mundaq dep körsetti: «biz gérmanlarning türkiye bilen alahide munasiwetlirimiz bar.»

 mérkél, türkiye – gérmaniye munasiwetliri heqqide süküt qilishning ishqa yarimighanliqini tekitlep mundaq dédi: «shu wejidin, türkiye – yawropa ittipaqi otturisida aliy derijilik rehberler diyalogining qaytidin bashlinishi toghruluq söhbet ötküzimiz. derweqe, türkiye bilen ortaq menpeetlirimiz bar bolup, köchmenlik keltürüp chiqarghan qiyin ötkellermu bu menpeetlerning bir parchisidur, bu qiyin ötkellerdin türkiye bilen birlikte ötelishimiz mumkin.»



مۇناسىۋەتلىك خەۋەرلەر