меркел: түркийә истиратегийәлик әһмийәтгә игә муһим дөләт

түркийә авази радийоси хәвири: меркел, федертсийә мәҗлисидә қилған сөзидә, йавропа иттипақи башлиқлар йиғинида, йавропа иттипақи – түркийә мунасивәтлири вә ақдеңизниң шәрқий қисминиң вәзийити һәққидә музакирә елип берилидиғанлиқини тәкитләп мундақ деди: «йавропа иттипақи сиртидики қошнилиримиз биләнму мунасивәтләрни тәрәққий қилдурғандила андин йавропа иттипақиниң кеңийиши вә параванлиқини ишқа ашурғили болидиғанлиқини билимиз, бу болупму көп йөнилишлик мунасивәтләргә игә шималий атлантик әһди тәшкилати әзаси түркийә үчүн күчкә игә, әлвәттә.»

йавропа иттипақи ташқи мунасивәтләр вә бихәтәрлик ишлири сийасити алий вәкили җосеп борелниң бу көп йөнилишлик мунасивәтләр һәққидә доклат тәййарлиғанлиқини қәйт қилған  меркел, ақдеңизниң шәрқий қисмидики өзгиришләр һәққидә тохтилип мундақ деди: ««алди билән, йеқинқи айларда қибрис вә гиретсийә су тәвәликлиридә йүз бәргән иғвагәрчилик паалийәтлиридин кейин, түркийәниң шәрқий ақдеңиз районида сүркилишни азайтиш сигнали бериши вә гиретсийә билән қайтидин дийалог орнитиши хушаллинарлиқ әһвалдур, қибрисниң келәчики мәсилисидә 1+5 дөләтлириниң музакирилириму  бирләшкән дөләтләр тәшкилатиниң рийасәтчиликидә давамлишиду.»

германийәдә узун йиллардин буйан көп санда түркләрниң йашаватқанлиқини ейтқан  меркел, мундақ дәп көрсәтти: «биз германларниң түркийә билән алаһидә мунасивәтлиримиз бар.»

 меркел, түркийә – германийә мунасивәтлири һәққидә сүкүт қилишниң ишқа йаримиғанлиқини тәкитләп мундақ деди: «шу вәҗидин, түркийә – йавропа иттипақи оттурисида алий дәриҗилик рәһбәрләр дийалогиниң қайтидин башлиниши тоғрулуқ сөһбәт өткүзимиз. дәрвәқә, түркийә билән ортақ мәнпәәтлиримиз бар болуп, көчмәнлик кәлтүрүп чиқарған қийин өткәлләрму бу мәнпәәтләрниң бир парчисидур, бу қийин өткәлләрдин түркийә билән бирликтә өтәлишимиз мумкин.»