israiliye urush ayropilanliri ghezzeni bombardiman qildi

israiliye urush ayropilanliri qamal astidiki ghezze rayonini yene bir qétim bombardiman qildi.

1607232
israiliye urush ayropilanliri ghezzeni bombardiman qildi

türkiye awazi radiyosi xewiri: qamal astidiki ghezze rayonining shimaliy we ottura qisimlirigha qilinghan hawa hujumlirida adem ölüsh we yarilinish ehwali körülüp körülmigenliki heqqide hazirghiche héchqandaq melumat bérilmidi.

israiliye armiyesi bayanatchisi awichay adraé ammiwi ortaqlishish tor bétidiki sehipiside élan qilghan yazma bayanatida, israiliye urush ayropilanliri bilen tik uchar ayropilanlirining, ghezzediki rakétamiyot ishlepchiqiridighan bir nuqta bilen hamasqa ait bir herbiy muesseseni bombardiman qilghanliqini, buning, tünügün kech tereplerde ghezzedin israiliye terepke étilghan rakétamiyotqa bérilgen jawab ikenlikini ilgiri sürdi.

israiliye armiyesi, tünügün kech tereplerde ghezzedin étilghan bir rakétamiyotning israiliyediki ochuq bir sahege chüshkenlikini bildürgenidi.

emma ghezzedin buning jawabkarliqini öz üstige alidighan héchqandaq bir guruppa otturigha chiqmidi.



مۇناسىۋەتلىك خەۋەرلەر