arakanliq musulman panahlanghuchilar turushluq bangladéshtiki lagérda ghayet zorapiti yüz berdi

türkiye awazi radiyosi xewiri: bérma kishilik hoquq torining ijraiye diréktori kyaw win anadolu agéntliqi (AA) gha bergen bayanatida, lagérdiki ot apitide texminen 15 ming panahlinish öyining yoqalghanliqini, kem dégende 28 kishi qaza qilip, 40 nechche kishining yarilanghanliqini éytti.

birleshken döletler teshkilati panahlanghuchilar komissarliqi (UNHCR) bangladésh wekili johannis wan dér klaaw tünügün élan qilghan bayanatida, koks baziridiki baluxali lagérida yüz bergen ot apitidin kéyin 400 kishidin xewer alalmaywatqanliqini bildürgen idi.  

b d t etritining rayonda xizmet qiliwatqanliqini tilgha alghan klaaw, ot apitigha qarita «bek chong we weyran qilarliq» dégen sözni ishlitip, apette klinika we tarqitish merkezliriningmu ishletkili bolmaydighan halgha kélip qalghanliqi heqqide uchurlarni hembehirligen idi.

johannis wan dér klaw xelqara köchmenler teshkilati bilen ottin kéyinki qutquzush xizmetlirini maslashturidighanliqini we bu xizmetlerde  eng ajiz ehwaldiki ayallar we balilarni aldinqi orungha qoyghanliqini bildürgen idi.  

bu jeryanda, béangladésh dairilirining ot apiti sewebidin tekshürüsh bashlighanliqi bildürüldi.

b d t ning doklatigha asaslanghanda, 2017-yili awghusttin kéyin, arakandiki zulum we ziyankeshliktin qéchip bangladéshqa kelgenlerning sani 900 minggha yetken.