араканлиқ мусулман панаһланғучилар турушлуқ баңладештики лагерда ғайәт зорапити йүз бәрди

баңладешта араканлиқ мусулман панаһланғучилар турушлуқ лагерда йүз бәргән от апитидә, кәм дегәндә 28 киши қаза қилип, 40 тин артуқ киши йариланди.

1607364
араканлиқ мусулман панаһланғучилар турушлуқ баңладештики лагерда ғайәт зорапити йүз бәрди

түркийә авази радийоси хәвири: берма кишилик һоқуқ ториниң иҗраийә директори кйав вин анадолу агентлиқи (AA) ға бәргән байанатида, лагердики от апитидә тәхминән 15 миң панаһлиниш өйиниң йоқалғанлиқини, кәм дегәндә 28 киши қаза қилип, 40 нәччә кишиниң йариланғанлиқини ейтти.

бирләшкән дөләтләр тәшкилати панаһланғучилар комиссарлиқи (UNHCR) баңладеш вәкили җоһаннис ван дер клаав түнүгүн елан қилған байанатида, кокс базиридики балухали лагерида йүз бәргән от апитидин кейин 400 кишидин хәвәр алалмайватқанлиқини билдүргән иди.  

б д т әтритиниң районда хизмәт қиливатқанлиқини тилға алған клаав, от апитиға қарита «бәк чоң вә вәйран қиларлиқ» дегән сөзни ишлитип, апәттә клиника вә тарқитиш мәркәзлириниңму ишләткили болмайдиған һалға келип қалғанлиқи һәққидә учурларни һәмбәһирлигән иди.

җоһаннис ван дер клав хәлқара көчмәнләр тәшкилати билән оттин кейинки қутқузуш хизмәтлирини маслаштуридиғанлиқини вә бу хизмәтләрдә  әң аҗиз әһвалдики айаллар вә балиларни алдинқи орунға қойғанлиқини билдүргән иди.  

бу җәрйанда, беаңладеш даирилириниң от апити сәвәбидин тәкшүрүш башлиғанлиқи билдүрүлди.

б д т ниң доклатиға асасланғанда, 2017-йили авғусттин кейин, аракандики зулум вә зийанкәшликтин қечип баңладешқа кәлгәнләрниң сани 900 миңға йәткән.



مۇناسىۋەتلىك خەۋەرلەر