nétanyahuning partiyesi saylamda birinchi boldi
isirailiyede ötküzülgen saylamda, bash ministir nétanyahuning likud partiyesi parlaméntta 33 orungha ige bolup birinchi boldi.
türkiye awazi radiyosi xewiri: isirailiye taratqulirigha asaslanghanda, isirailiyede yéqinqi ikki yilda tötinchi qétim ötküzülgen muddettin burun saylamda likud partiyesini qollaydighanliqi bildürülüwatqan ongchil blok 54 orungha ige bolghan. yene nétanyahuni qollash éhtimali bolghan naftali bénnét (Naftali Bennett) rehberlikidiki yamina (Yamina) partiyesi sekkiz orunni qolgha keltürüp, parlamétta wekillik qilish hoquqigha érishken.
nétanyahu 120 kishilik parlaméntta 61 orungha ériship hökümetni qurushi üchün yamina partiyesining qollishini qolgha keltürüshi kérek.
tekshürüsh netijilirige asaslanghanda, likud partiyesi parlamétta 31 orungha ige bolghan. birleshme hökümet qurush üchün nitanyahuni qollishi kütülüwatqan ongchil blok 53 orungha ige bolghan. mushu boyiche bolghanda, birleshme hökümet uchrishishlirida achquchluq rol oynaydighan yamina partiyesi parlaméntta sekkiz orungha ige bolghan.
yamina partiyesi likud partiyesini qollighan ehwalda nétanyahu birleshme hökümet qurush üchün parlaméntta 61 orungha ige bolidu.
nétanyahuning reqibi yair lapid (Yair Lapid) rehberlikidiki yésh atid partiyesi parlaméntta 16 orunni qolgha keltürüp ikkinchi boldi.
