نىگېرىيەدە ئىككى خىل ۋاكسىنا ياسالدى

تۈركىيە ئاۋازى رادىيوسى خەۋىرى: نىگېرىيە ھۆكۈمەت كاتىپى بوس مۇستافا (Boss Mustapha) بايانات ئېلان قىلىپ، نىگېرىيە ئالىملىرىنىڭ ۋۇخەن ۋىرۇسىغا قارشى ئىككى ۋاكسىنا تەتقىق قىلغانلىقىنى قەيت قىلدى.

ئۇ تەتقىق قىلىپ ياسالغان ۋاكسىنالارنىڭ كلىنكىلىق سىناقلىرىنىڭ داۋاملىشىۋاتقانلىقىنى ئەسكەرتىپ: «ۋاكسىنالارنىڭ كىلىنكىلىق سىناقلىرى ئاخىرلىشىپ، تەستىق گۇاھنامىسى ئېلىنغاندىن كېيىن ئەملەش باشلىنىدۇ. بۇ ئىلمىي تەتقىقاتتا يېڭى نۇقتىئىينەزەرنى بارلىققا كەلتۈرىدىغان، دۆلەتتىكى تېببىي سانائەتنىڭ كەيپىياتىنى ۋە ئوبرازىنى ياخشىلايدىغان تەرەققىيات» دېدى.

ئۇ دۆلەتنىڭ مۇناسىۋەتلىك ئىدارە-ئورگانلىرىنى تەتقىقاتچىلارنى جاسارەتلەندۈرۈش ۋە رىغبەتلەندۈرۈش ئۈچۈن، ئۇلارنى قوللاشقا چاقىردى.

نىگېرىيە ۋۇخەن ۋىرۇسىغا ئېرىشىش پىروگراممىسى (COVAX) رامكىسىدا، 4 مىليون 224 مىڭ ئاسترازېنېكا ۋاكسىناسىنى تاپشۇرۇۋالغان ئىدى.