nigériyede lassa qizitmisi wabasi tarqilishqa bashlidi
nigériyede haywandin insangha yuqidighan we ölümni keltürüp chiqiridighan lassa qizitmisi yuqumida jénidin ayrilghanlarning sani 42 ge chiqti.
türkiye awazi radiyosi xewiri: nigériye késelliklerni kontrol qilish merkizining bayanatigha asaslanghanda, waba sewebidin yene alte kishi jénidin ayrilghan. buning bilen, yanwar (2021) éyidin buyan waba sewebidin jénidin ayrilghanlar sani 42 ge chiqqan. bu jeryanda, pütkül döletke tesir qilghan wabada édo, ondo, kaduna, taraba, ébonyi, platéaw we bawchi ishtatlirida wabagha munasiwetlik 191 weqe bayqalghan.
mali, togo, gana, libériye, sérraléon qatarliq nurghun afriqa döletliride körülgen lassa qizitmisi nigériyede 1969-yili tunji qétim sherqiy shimaldiki borno ishtatida bayqalghan idi.
nigériye hökümiti 2019-yili lassa qizitmisi sewebidin memliket miqyasida «jiddiy halet» élan qilghan idi.
her yili qurghaqchiliq yüz béridighan noyabir we may aylirida köpiyidighan lassa qizitmisi wabasi, 2019-yili 129 kishining jénigha zamin bolghan idi. 2020-yili bolsa, 28 ishtatta 300 din artuq kishining jénidin ayrilishigha seweb bolghan idi.
chashqan mayiqidin yuqidighan késellik, ademdin ademge yuqidighan bolup, ölümni we qanashni keltürüp chiqiridighan qizitmigha seweb bolidu.
nigériye dairiliri xelqni dizinféksiyege diqqet qilish, chashqan we bashqa süt emgüchi haywanlardin yiraq turush toghrisida agahlandurdi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.