yawropa ittipaqi rusiye bilen bolghan munasiwetlirini normallashturush shertlirini otturigha qoydi
yawropa ittipaqi rusiye bilen bolghan munasiwetlirining ijabiy yönilishke qarap tereqqiy qilishi üchün rusiyege bir türküm shertlerni qoydi.
türkiye awazi radiyosi xewiri: yawropa ittipaqi rusiye bilen bolghan munasiwetlirining ijabiy yönilishke qarap tereqqiy qilishi üchün rusiyening choqum ukrainaning sherqidiki toqunushni toxtitishni nishan qilghan minsik kélishimini ijra qilishi hemde tor hujumini toxtitip, kishilik hoquqqa hörmet qilishi kéreklikini bildürdi.
yawropa kéngishi bashliqi charléz mishél bilen rusiye pirézidénti wiladimir putin otturisidiki téléfon söhbitidin kéyin yawropa ittipaqi teripidin élan qilinghan bayanatta, téléfon söhbitide yawropa-rusiye munasiwetlirining muzakire qilinghanliqi bildürüldi.
bayanatqa asaslanghanda, mishél yawropa-rusiye munasiwetlirining töwen nuqtida ikenlikini éytqan we yawropa ittipaqining asasliq qimmet qarashlirini tekitligen.
bayanatta, «yawropa ittipaqi nuqtisidin éytqanda, rusiye bilen bolghan munasiwetler minisik kélishimini ijra qilish, eza döletlerge tor hujumi qilishni toxtitish we kishilik hoquqqa hörmet qilish jehette üzlüksiz ilgirilesh bolghandila, andin bashqiche yönilishke qarap mangalaydu» déyildi.
bu dairide, mishélning rusiye öktichisi alékséy nawalniyning qoyup bérilishi we nawalniygha qilinghan suyiqestning ochuq-ashkare tekshürülishinimu otturigha qoyghanliqi bildürüldi.
mishél bilen putinning yene, rosiye ishlepchiqarghan sputnik V waksinisining yawropa dora ajantisida élip bérilghan deslepki tekshürüsh netijisinimu muzakire qilghanliqi qeyt qilindi.
