seudi erebistan yemendiki toqunushni hel qilish üchün tinchliq teshebbusida boldi

seudi erebistan yemendiki krizisni tügitish we omumyüzlük siyasiy hel qilish charisini öz ichige alghan yéngi tinchliq teshebbusida boldi.

1606616
seudi erebistan yemendiki toqunushni hel qilish üchün tinchliq teshebbusida boldi

türkiye awazi radiyosi xewiri: seudi erebistan tashqi ishlar ministiri shahzade faysal bin farxan el seud birleshken döletler teshkilatining nazariti astida yemen miqyasida urush toxtitishni öz ichige alghan yéngi tinchliq teklipini sunghanliqini élan qildi.

el seud iran qollap quwwetlewatqan xusiylar bilen yemen hökümiti otturisidiki siyasiy muzakirilerning eslige keltürülishi kéreklikini éytti.

mezkur tinchliq teshebbusi dairiside, sana ayrodorumining qaytidin échilishi we hudeyde portidin yéqilghu we yémeklik import qilinishigha ruxset qilinishi pilanlanmaqta.

el seud bu teshebbusning b d t ning yemende turushluq alahide wekili martin girifts we amérikaning yemendiki alahide wekili timotiy léndéringning tirishchanliqi we omanning oynighan ijabiy rolini qollash dairiside bashlanghanliqini eskertip, yemen hökümitini we xusiylarni bu teshebbusni qobul qilishqa chaqirdi.

yene bir tereptin yemen hökümiti bu teshebbustin memnun bolghanliqini élan qilghan bir weziyette, iranning qollishi astidiki xusiylar tinchliq teklipige soghuq qarap kelmekte.

xusiylarning bayanatida hawa we déngiz émbargosining emeldin qaldurulushi telep qilinmaqta.

 


خەتكۈچ: #yemen , #seudi erebistan

مۇناسىۋەتلىك خەۋەرلەر