xitay pakistangha yene, 500 ming waksina iane qilidighanliqini jakarlidi

xitay ilgiri pakistanni 1 milyon kowid-19 waksinisi bilen teminligen bolup, bu qétim mushu ayning axirighiche yene 500 ming waksina iane qilidighanliqini jakarlidi.

1607026
xitay pakistangha yene, 500 ming waksina iane qilidighanliqini jakarlidi

türkiye awazi radiyosi xewiri: pakistan tashqi ishlar ministirliqining bayanatigha asaslanghanda, tashqi ishlar ministiri shah mehmud qureyshi bilen xitay tashqi ishlar ministiri wang yi téléfonda söhbetleshken.

söhbette wang yi qureyshige 100 din artuq döletning xitaydin waksina telep qilghanliqini, emma xitay hökümitining pakistanning éhtiyajini aldinqi orungha qoyghanliqini éytqan.

xitay hökümitining mushu ayning axirighiche islamabadqa 500 ming waksinini heqsiz béridighanliqini tilgha alghan wang yi, pakistanning yuqumgha qarshi kürishini dawamliq qollaydighanliqini bildürgen.

pakistan tashqi ishlar ministiri qureyshi xitayning jemiy 1 milyon 500 ming waksinini heqsiz bérip, pakistanni  qollighanliqigha rehmet éytqan we buning kishilerning hayatini saqlap qélishta mohim ikenlikini tekitligen.

qureyshi yene kowid -19 bilen yuqumlanghan pakistan bash ministiri imran xandin hal sorighanliqi üchün xitay bash ministiri li kichiyanggha alahide rehmet éyttqan.

xitay ilgiri 1-féwralda we 17-martta pakistangha jemiy 1 milyon kowid -19 waksinisini heqsiz yollap bergen idi.


خەتكۈچ: #pakistan , #xitay

مۇناسىۋەتلىك خەۋەرلەر