dunya sehiye teshkilati bay döletlerdin aghrindi

türkiye awazi radiyosi xewiri: dunya sehiye teshkilatining bash diréktori tédros adxanom ghébréyésus (Tedros Adhanom Ghebreyesus) bay döletlerde emlengen wuxen wirusi waksinasi bilen kembeghel döletlerning waksinagha érshishini kapaletke ige qilghan «xelqara wuxen wirusi waksinaliri dunyawi pirogrammisi» teminligen waksina sani arisidiki perqning kündin-künge chongiyiwatqanliqini éytti.

u dunya sehiye teshkilatining jenwediki merkizide, sinliq axbarat élan qilish yighini ötküzdi.

u isim bermestin bezi döletlerning barliq nopusini emlesh üchün bir-biri bilen riqabetke kirgenlikini, emma kirimi az döletlerde waksina emleshning bashlanmighanliqini bildürdi.

u jenubiy koréyening kirimi yuqiri dölet bolsimu, waksina shirketliri bilen kélishim tüzmigenlikini we «kowaks» (COVAX) waksinalirini saqlawatqanliqini eskertip, jenubiy koréyeni bay döletlerge ülge qilip körsetti.

u engliye oksford uniwérstétining astrazénéka dora shirkiti bilen birlikte yasighan waksinaning amérikadiki üchinchi basquchluq sinaqta ünümining %79 ke yetkenlikini we eng muhimi bu waksinaning qan qoyuqlishishni keltürüp chiqarmaydighanliqini eskertti. u mundaq dédi:

«bu melumatlar astrazénéka waksinasining bixeter we ünümining yuqiri ikenlikining yene bir ispatidur» dédi.

bu jeryanda, dunya sehiye teshkilatining muawin diréktori mariyangéla simaw (Mariangela Simao) afriqada héchqandaq döletning astrazénéka waksinasini ret qilmighanliqini bildürdi.

u mezkur waksinagha munasiwetlik endishelerning axirlashqanliqini eskertip: «hemme ish normallashti, afriqa qiteside astrazénéka waksinasini ret qilghan héchqandaq dölet yoq» dédi.