yaponiyediki yer tewreshte toqquz kishi yarilandi
yaponiyening sherqiy shimaligha jaylashqan miyagi ishtatining déngiz tewelikide 20-mart (2021) ta yüz bergen 6.9 bal yer tewreshte yarilanghanlarning sani toqquzgha chiqti.
türkiye awazi radiyosi xewiri: yaponiye «NHK» ning xewiride bildürülishiche, 20-mart shenbe küni tohoko rayoni miyagi ishtatining déngiz tewelikide yüz bergen yer tewreshte toqquz kishi yarilanghan.
yaponiyening sherqiy we sherqiy shimalida qurulghan yadro éléktir istansisilirida hazirche binormalliq körülmigenliki qeyt qilindi.
miyagi ishtatining oshika yérim ariligha 20 kilométir kélidighan déngiz tewelikide shu yer waqti 18 din 9 minut ötkende 60 kilométir chongqurluqta yer tewresh yüz bergen idi.
yer tewresh tohoko rayonigha jaylashqan awmori, iwate, fukushima, akita, yamagata ishtatliri bilen paytext tokyo we etrapidiki ishtatlardimu hés qilindi.
yer tewreshtin kéyin élan qilinghan déngiz tashqini agahlandurushliri qisqa waqit ichide emeldin qalduruldi.
