israiliye malikining VIP kartisini musadire qildi

türkiye awazi radiyosi xewiri: pelestinning muawin tashqi ishlar ministiri ehmed eddik bayanat bérip, israiliye xewpsizlik küchliri girétsiye we gollandiyeni öz ichige alghan yawropa ziyaritidin qaytip kelgen dölitimiz tashqi ishlar ministiri maliki we uning hemrahliqidiki heyetni padishah hüseyin köwrüki chégra éghizi (israiliyening kontrolluqida) da tosuwélip yérim saet boyiche soraq qilghanliqini bildürdi.

eddik, soraqtin kéyin malikning israiliye teripidin pelestinlik emeldarlargha bérilgen iyordan deryasining gherbiy qirghiqidin bashqa yerlerge bérish we israiliyege erkin kirip chiqish üchün ishlitilidighan VIP kartisini musadire qilghanliqini eskertti.

israiliyening xelqara jinayi ishlar sotining ishghal qilinghan pelestin zéminida sadir qilinghan jinayetlerni tekshürüsh qararigha qarshi bu qedemni tashlighanliqini otturigha qoyghan eddik sözini dawamlashturup, «bu bir öch élish herikiti bolup, israiliyening irqchi dölet ikenlikini, xelqara qanun bilen masliship yashiyalmaydighanliqini, toxtimay tehdit, mejburlash we qara chaplash usulini qollinip kelgenlikini körsitip béridu» dégenlerni qeyt qildi.

eddik tashqi ishlar ministiri duch kelgen ehwallarni bildürüsh üchün xelqara jemiyet bilen alaqilishiwatqanliqlirini sözlirige ilawe qildi.

israiliye bu mesile toghrisida hazirghiche héchqandaq resmiy bayanat élan qilmidi.