amérikadiki xitaylar we bashqa asiyaliqlar on nechche sheherde namayish ötküzdi

amérikaning atlanta shehiride yüz bergen we  6 nepiri asiyaliq bolup, jemiy 8 ayal qaza qilghan qoralliq hujumdin kéyin, dölet miqyasidiki asiyaliqlar asiyaliq amérikaliqlargha qarshi ayrimchiliqning toxtitilishi üchün namayish ötküzdi.

1605855
amérikadiki xitaylar we bashqa asiyaliqlar on nechche sheherde namayish ötküzdi

 

türkiye awazi radiyosi xewiri: asiyaliq amérikaliqlar we tinch okyan aralliridin kelgenler (AAPI) namliq ammiwi teshkilat amérikaning gherbidiki san firansiskodin sherqiy déngiz qirghiqidiki pittsburgqiche bolghan on nechche sheherde namayish ötküzdi.

qollirida «biz bu yerge tewe», « asiyaliqlar emes, irqchiliq wirustur», «asiyaliqlargha bolghan öchmenlik toxtitilsun» dep yézilghan lozunkilarni kötürüwalghan namayishchilar, amérika hökümiti mesullirini irqchi  hujumlargha qarshi tedbirlerni qollinishqa chaqirdi.

asiyaliq amérikaliqlar we tinch okyan aralliridin kelgenler «AAPI» teshkilati teripidin 19-martta élan qilinghan doklatta, kowid -19 yuqumi sewebidin asiyaliqlargha qarita bir yilda 3800 qétim kemsitish pozitsiyesi we irqchiliq hujumi  élip bérilghanliqi,  bu hujumlarning %68 i ayallargha  we % 29 i erlerge qilinghanliqi bildürülgen idi.

16-martta, jorjiya ishtatining atlanta shehiride 3 uwulash öyige qilinghan qoralliq hujumda, asiyaliq 6 ayalni qoshqanda 8 kishi qaza qilghan idi.

weqedin kéyin qolgha élinghan 21 yashliq jinayet gumandari robért aron long, sotta teptish mehkimisi teripidin sekkiz qétim qestlep öltürüsh jinayiti bilen eyiblengen idi.



مۇناسىۋەتلىك خەۋەرلەر