birmadiki herbiy hökümetni étirap qilmighan siyasetchiler qoralliq qisim qurushqa atlandi
birmada herbiy özgirishke qarshi chiqqan we herbiy hökümetni étirap qilmighan siyasetchiler, herbiy özgirishke qarshi namayish qiliwatqanlarni xewpsizlik küchlirining basturushidin qutquzush üchün xelq armiyesi qurushqa tirishmaqta.
türkiye awazi radiyosi xewiri: herbiy özgirishke qarshi parlamént ezaliri teripidin xelq hökümitini qayturup kélish üchün qurulghan dölet parlaménti wekiller komitéti ezaliridin zin marang, birma «naw» (Now) xewer torida bayanat élan qilip, xelqni herbiy hökümettin qoghdaydighan qoralliq qisimning qurulushi üchün bashqa étnik qoralliq guruppiliri bilen körüshkenliklirini bildürdi.
u: «meqsitimizning %80 ge yettuq. munasiwetlik terepler bilen dawamliq körüshüwatimiz» dédi.
zin marang étnik qoralliq guruppilardin bashqa, herbiy özgirishke qarshi chiqqan siyasiy partiye we namayishchi guruppilar bilen mezkur mesilini muzakire qilghanliqlirini eskertip: «hazirqi ehwalgha qarita qandaq ittipaqliq ornitip heriket qilalaydighanliqimizni muzakire qiliwatimiz. bizge kelgen jawablar nahayiti ijabiy» dédi.
komitétning étnik qoralliq guruppilargha «térrorist» süpitide qarimaydighanliqlirini eskertken zin marang: «hazirghiche birma xelqi bilen qolni qolgha tutushup herbiy hökümetke qarshi birlikte heriket qilishni qarar qilghan barliq étning qoralliq guruppilargha teshekkür éytimiz» dédi.
u birma armiyesi ichidimu öz xelqige qoral tengleshni xalimighan herbiylerning barliqini bildürüp, wijdani bar herbiylerni herbiy hökümetke qarshi meydanini namayan qilshqa chaqirdi.
herbiy kzgirishke qarshi namayishlarni teshkilligüchilerdin kérén xén: «xelq qoralliq qarshiliq körsitishni herbiy hökümetke qarshi mesilini hel qilishning birdinbir yoli dep qarimaqta» dédi.
