shimaliy koréye malaysiyadiki elchixanisini resmiy taqidi
malaysiyada shimaliy koréye elchixanisi etrapigha muxbirlarning yéqinlishishining aldini élish üchün saqchi tosmisi quruldi.
türkiye awazi radiyosi xewiri: shu yerning waqti 09:00 etrapida xizmetchilerni élip mangghan bir aptobus kualalumpurdiki shimaliy koréye elchixana binasigha bardi. aptobus 11:00 de elchixana binasidin yolgha chiqip, kualalumpur xelqara ayrodorumigha yétip keldi.
malaysiya aliy sot mehkimisi 2019-yildin béri tutup turuluwatqan shimaliy koréye puqrasi mun chol myongni pul yuyush jinayiti bilen sotlash üchün amérikigha qoghlap chiqirish qarari maqullighan idi.
shimaliy koréye tashqi ishlar ministirliqi 19-marttiki bayanatida, malaysiya sotining bu qararigha naraziliq bildürüp, «malaysiya bilen diplomatik munasiwetlirini üzüp tashlighanliqini» élan qilghan idi.
shu küni malaysiya tashqi ishlar ministirliqimu shimaliy koréyening bayanatini eyiblep, shimaliy koréye elchixanisi xizmetchiliri we aile-tawabiatlirining 48 saet ichide chégradin chiqip kétishini telep qilghan idi.
