ughur shahin: bu ay türkiyede waksina emleshke bashlishimiz mumkin
gérmaniye biyotéxnika shirkiti Biontech ning qurghuchi shériki piroféssor doktor ughur shahin mushu ayning axirliri türkiyede waksina emleshke bashlash éhtimalliqlirining barliqini éytti.
türkiye awazi radiyosi xewiri: shahin, anadolu agéntliqigha bergen bayanatida, waksina emlesh paaliyetlirining keng qanat yéyishigha egiship, yawropada yaz mewsumining axirlirighiche immunitétqa érishkili bolidighanliqini eskertish bilen bir waqitta, «kowid – 19» yuqumining yéngi dolquqining uda birqanche ay insaniyet bilen birlikte bolidighanliqini tekitlep mundaq dédi: «imkanqeder yuqumlinishning aldini élish intayin muhim, buninggha parallél halda dawamliq waksina emlishimiz kérek.»
türkiyege ewetilidighan 4 milyon 500 ming quta waksina toghriliqmu toxtalghan shahin, mundaq dep körsetti: «bu heqte téxnikiliq we süpet kontrol xizmetlirini ishleshke mejbur iduq, bu xizmetler aldinqi hepte tamamlandi, eger hemme ishlar ongushluq yürüshse, mushu ayning axirliri türkiyede waksina emleshni bashlaymiz, türkiyege 2021 – yilning kéyinki yérimida téximu köp waksina ewetish mesiliside tirishiwatimiz.»
nishanlirining bu yilning axirlirighiche ishlepchiqirilidighan waksinna miqdarini 2.4 milyard qutigha yetküzüsh ikenlikini eskertken shanin, mundaq dédi: «niyitimiz yéterlik miqdarda waksina ishlepchiqirish arqiliq pütün dunyagha waksina yétishtürüshtur, bu sayida normal hayatqa qaytishni nishan qiliwatimiz, peqet yawropani qoghdash arqiliqla bu yuqumni yéngelmeymiz, shunga pütkül dunyani qoghdash kérek, bu heqiqetni aldi bilen siyaset öginidu, andin shuninggha asasen heriket qilidu.»
