nigériyede yüz bergen qoralliq hujum nurghun kishining jénigha zamin boldi
nigériyening kaduna ölkiside yüz bergen qoralliq hujumda 13 kishi jénidin ayrildi.
1605065
türkiye awazi radiyosi xewiri: kaduna ölkilik dölet bixeterlik we ichki ishlar komissari samuél aruwan, bu heqte élan qilghan bayanatida, kimliki téxiche éniqlap chiqilalmighan qoralliqlarning, ölkining zangon qataf, chikun we qaru rayonlirigha hujum qilghanliqini, hujumlarda 13 kishining hayatidin ayrilghanliqini, 7 kishining yarilanghanliqini, 56 öy bilen 16 motosiklitning köyüp ketkenlikini, rayon ahalisining qorqup kétip, öy – makanlirini terk etkenlikini uqturdi.
nigériyede yéqindin buyan qoralliq kishilerning motosiklit arqiliq hujum qilishi sewebidin, bezi ölkilerde motosiklitqa minish cheklengenidi.
buningdin ikki kün burunmu qoralliq kishilerning hujumida 19 kishi öltürülgenidi.
