seudi erebistanning néfit porti hujumgha uchridi

türkiye awazi radiyosi xewiri: seudi erebistan s p a (SPA) agnétliqi dunyadiki eng chong néfit portliridin biri «ras tanura porti» we «seudi aramko» néfit meshghulat rayonining hujumgha uchrighanliqini xewer qildi.

 s p a ning énérgiye ministirliqidin neqil alghan xewiride, tünügün (2021-yili 7-mart) ras tanura rayonigha uchquchisiz hawa apparati bilen qilinghan hujumda, héchqandaq ölüm-yétim körülmigen.

bu hujum bilen, dunyadiki eng chong néfit portliridin ras tanura portining nishan qilinghanliqi bildürülgen xewerde, shu küni kech waqitta zahran shehirige jaylashqan aramko néfit meshghulat rayonining balistik bashqurulidighan bomba hujumigha uchrighanliqi bildürüldi.

balistik bashqurulidighan bomba sharpéllirining aramkoda xizmet qilidighan minglarche xadim we aililirining turalghuliri jaylashqan yerge chüshkenliki, emma bextke yarisha ölüm-yétim hadisisi körülmigenliki eskertildi.

seudi erebistan dölet mudapie ministirliqining bayantchisi turki elmaliki ras tanura porti we zahran shehiridiki aramko néfit meshghulat rayonigha qilinghan hujumning meghlub qilinghanliqini éytti.

u bu xil hujumlar bilen seudi erebistandin bashqa, dunya sodisi we néfit tiransiportining nishan qilinghanliqini alahide tekitlidi.

yemendiki iran qollishi astidiki husiylarning herbiy bayanatchisi yehya esseri seudi erebistan zéminlirining ichki qismidiki sezgür nuqtilargha qarshi keng kölemlik herbiy heriket qozghighanliqlirini ilgiri sürgen idi.

yehya esseri sekkiz balistik bashqurulidighan bomba we 14 uchquchisiz hawa apparati bilen qilinghan hujumda, ras tanura portigha jaylashqan seudi aramko shirkiti bilen demmam, asir we jazan sheherliridiki herbiy nuqtilarning bombardiman qilinghanliqini bildürgen idi.