papa fransiskus aylan bowaqning dadisi bilen körüshti

türkiye awazi radiyosi xewiri: watikan papa fransiskusning süriyelik aylan kurdi bowaqning dadisi bilen körüshkenliki toghrisida bayanat élan qildi.

bayanatta, papaning iraqning erbil shehiridiki uchrishishliri jeryanida, franso hariri tenterbiye meydanida ötküzülgen murasimdin kéyin, aylan bowaqning dadisi abdullah kurdi bilen körüshkenliki qeyt qilindi.

bayanatta, papaning ailisidin ayrilip qalghan abdullah kurdining échinishliq hékayisini anglighanliqi bildürüldi.

abdullah kurdining bolsa, özige köngül bölgenlikige teshekkür éytip, papagha aylan bowaqning bir parche fotografini bergenliki eskertildi.

bodrumda 2015-yili 2-séntebir déngizdin girétsiyege bérish üchün olturghan yel qolwaqning sugha chöküp kétishi netijiside, üch yashliq süriyelik aylan kurdi, akisi we anisi qatarliq besh kishi jénidin ayrilghan idi. eyni waqitta, aylan bowaqning jansiz bedinining sahildiki fotografliri süriyediki urushning qorqunchliq yüzini yene bir qétim ashkarilap, xelqaraliq jemiyetning diqqitini musapirlar mesilisige tartqan idi.