kyoto xitabnamisi qobul qilindi
yaponiyening kyoto shehiride yüzturane hemde tor muhitida ötküzülgen qurultaygha 152 eza dölet, 37 hökümetler ara teshkilat, 114 ammiwi teshkilatning wekilliri bolup jemiy 5600 kishi qatnashti.
1597027
türkiye awazi radiyosi xewiri: birleshken döletler teshkilati (b d t) ning yaponiyede ötküzülgen «14 – nöwetlik jinayi qilmishlar we jinayi ishlar edliyesi qurultiyi» da jinayetning aldini élish, jinayi ishlar edliyesi, qanun bilen idare qilish we xelqara hemkarliqning ehmiyiti tekitlengen «kyoto xitabnamisi» qobul qilindi.
yaponiyening kyoto shehiride yüzturane hemde tor muhitida ötküzülgen qurultaygha 152 eza dölet, 37 hökümetler ara teshkilat, 114 ammiwi teshkilatning wekilliri bolup jemiy 5600 kishi qatnashqanliqi, yighinning 12 - martqiche dawamlishidighanliqi bildürüldi.
kelgüsi besh yil boyiche jinayetning aldini élish we jinayi ishlar edliyesige kapaletlik qilishni meqset qilghan xelqara hemkarliqning yol xeritisi mahiyitidiki «kyoto xitabnamisi», qurultayning échilish murasimida ishtirakchi wekiller teripidin birdek qobul qilindi.
qurultaygha b d t ning bash katipi antoniyo gutérrés, b d t omumiy kéngishining 75 - nöwetlik reisi wolqan bozqér we b d t zeherlik chékimlik we jinayi ishlar ishxanisi reisi gada fati weli télégramma yollidi.
gutérrés télégrammisida: «jinayetning aldini élish, jinayi ishlar edliyesi we qanun bilen idare qilish döletler we ularning nopusi otturisidiki ijtimaiy kélishimning yéngilinishida muhim rol oynaydu» dégenlerni qeyt qildi we qurultayning bu mesililerge munasiwetlik mesuliyetni orundashni meqset qilidighanliqini eskertti.
bozqér bolsa, jinayi qilmishlarning her bir dölette dawam qiliwatqanliqini we barghanséri köpiyip chégralardin halqip kétiwatqanliqini bayan qilip: «eger biz qanun bilen idare qilish, jinayetning aldini élish we jinayi ishlar edliyesi boyiche heriket qilmisaq, 2030 - yilliq sijil tereqqiyat nishanigha yételmeymiz» dédi.
qurultaygha sin körünüshlük télégrammisi bilen qatnashqan yaponiye bash ministiri suga yoshixidé bolsa, kyoto xitabnamisining yolgha qoyulushida asasliq rol oynaydighanliqini bildürüp: «yaponiye <héchkimni arqida tashlap qoymastin> sighdurushchan, bixeter jemiyet royapqa chiqirish üchün barliq tirishchanliqlarni körsitidu» dédi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
