blinkén: türkiyedin afghanistan tinchliq kélishimi yighinigha sahibxanliq qilishini soraymiz

amérika tashqi ishlar ministiri antoni blinkén afghanistan rehberlirige yollighan tinchliq söhbetlirige alaqidar mektupida, türkiyedin tinchliq kélishimining tüzülüshi yighinigha sahibxanliq qilishini telep qilidighanliqlirini bildürdi.

1596926
blinkén: türkiyedin afghanistan tinchliq kélishimi yighinigha sahibxanliq qilishini soraymiz

türkiye awazi radiyosi xewiri: amérika tashqi ishlar ministiri antoni blinkén, afghanistan pirézidénti muhemmed eshref ghéni we afghanistan milliy yarishish aliy kéngishi reisi abdullah abdullahqa mektup yollap, tinchliq söhbiti toghrisidiki tekliplirini otturigha qoydi.

blinkén afghanistan rehberlirige yazghan mektupida «türkiyedin  aldimizdiki heptilerde tinchliq kélishimi imzalash yighinigha sahibxanliq qilishi üchün yardem soraymiz» dégen ibarilerge orun berdi.

amérikaning 5 - ayning 1 - künigiche afghanistandin pütünley chékinishni pilanlawatqanliqi eskertilgen mektupta, afghanistan armiyesige bolghan iqtisadiy yardemning chékingendin kéyinmu dawam qilidighanliqi, emma döletning bixeterlikidin endishe qiliniwatqanliqi, talibanlarning buningdin (chékinishtin) paydilinip térritoriyege érishish arzusigha muptila bolush éhtimalining barliqi qatarliqlar qeyt qilindi.

amérika pirézidénti jo baydinning ghéni we abdullahning tinchliq söhbiti mesiliside aldirishini telep qilghanliqigha isharet qilinghan mektupta, tinchliq musapisige munasiwetlik tekliplerge orun bérildi.

birleshken döletler teshkilati (b d t)din rusiye, xitay, pakistan, iran, hindistan we amérika tashqi ishlar ministirliri we wekillirini afghanistan tinchliqini qollash yighinigha qatnishishqa chaqirishining telep qilinidighanliqi bildürülgen mektupta, bu döletlerning muqim afghanistangha munasiwetlik uzun muddetlik ortaq menpeetke ige ikenliki, shunga ortaq tirishchanliq körsitip muweppeqiyet qazinishning zörürlüki tekitlendi.

mektupta yene, amérikaning afghanistanda turushluq alahide wekili zalmay xalilzadtin nöwette pirézidént ghéni bilen taliban rehberlirining hel qilish charisi we urush toxtitish toghrisidiki söhbetlirining süritini tézlitish kéreklikige alaqidar yazma tekliplirini hembehirlishining telep qilinidighanliqi otturigha qoyuldi.

mektepta,  bu tekliplerni ortaqlishish bilen bir waqitta, «tereplerge bezi mesililerni téngish» niyitining yoqluqi alahide tekitlendi.



مۇناسىۋەتلىك خەۋەرلەر