jo baydinning 1 tirilyon 900 milyard dollarliq iqtisadiy yardem  layihesi qobul qilindi

türkiye awazi radiyosi xewiri: bu qanun layihesi palatasi omumiy kéngishide tünügün kechkiche dawamlashqan muzakirilerdin kéyin 49 gha qarshi 50 awaz bilen qobul qilindi.

buningdin ilgiri bu qanun layihisige «muresse qilish» namliq qanuniy bir orunlashturushning heriketke sélinishi arqiliq yol échilghan bolup, jumhuriyetchiler partiyesining qollishigha éhtiyajsiz halda kéngesh palatasi teripidin testiqlanghan boldi.

qanun layihesining kéngesh palatasida awazagha qoyulishi üchün ötküzülgen yighin 11 saet 50 minut dawamlishish bilenmu rékort yaratti.

qanun layihesi yéngi qoshulghan belgilimiler sewebidin awam palatasigha qayta yollinidighan boldi. eger awam palatasidimu qobul qilinsa, baydénning imzasigha sunilidu.

baydén hökümiti kowid -19 ning iqtisadiy tesirige qarshi teyyarlighan eng chong yürüshlük pilan dep bahalanghan bu qanun layihesi her bir ademge 1400 dollar neq pul yardem bérishtin bashqa yene, her qaysi ishtatlar we yerlik hökümetlernimu 350 milyard dollarliq yardem bilen teminleydu.

ilgiri heptilik 400 dollar qilip békitilgen ishsizliq maishining muzakirilerdin kéyin 300 dollar bolushi we mudditi 6-séntebirgiche uzartilishi mölcherlenmekte.