wuxen wirusi waksinasi tunji qétim maymunlargha emlendi
amérikaning kaliforniye ishtatidiki san diyago (San Diego) haywanatlar baghchisida bezi urangutan we papa shimpenze türlirige wuxen wirusi(Kovid-19) waksinasi emlendi.
türkiye awazi radiyosi xewiri: kaliforniye ishtatidiki san diyago haywanatlar baghchisidiki bezi urangutan we papa shimpenze türlirige wuxen wirusi waksinasi emlendi. bu insanlardin sirt tunji qétim haywan türige wuxen wirusi waksinasi emlesh bolup hésablinidu.
yanwar éyi (2021) da san diyago haywanatlar baghchisida sekkiz gorillaning wuxen wirusi bilen yuqumlanghanliqi bayqalghandin kéyin, mesul xadimlar derhal heriketke ötken idi.
hazir yaxshilinish basquchigha kirgen haywanlar xeterdin ötüp ketken bolsimu, mal doxturlirining topliship yashaydighan gorilla, urangutan, shimpenze we bashqa süt emgüchi haywanlargha wuxen wirusi waksinasi emleydighanliqi qeyt qilindi.
haywanatlar baghchisi yuqiri derijilik mesuli nadin lambérski (Nadine Lamberski): «késellikler haywanlardin haywanlargha intayin téz tarqilidu. yaxshilinish basquchimu nahayiti qiyin ötidu. waksina emlengen haywanlarda hazirghiche héchqandaq késellik alamiti körülmidi, ehwali nahayiti yaxshi» dédi.
u maymunlargha insanlar üchün yasalghan zukam we qizil késellikliri waksinalirini emleshning keng omumlashqanliqini qeyt qildi.
