вухән вируси ваксинаси тунҗи қетим маймунларға әмләнди
американиң калифорнийә иштатидики сан дийаго (San Diego) һайванатлар бағчисида бәзи урангутан вә папа шимпәнзә түрлиригә вухән вируси(Kovid-19) ваксинаси әмләнди.
түркийә авази радийоси хәвири: калифорнийә иштатидики сан дийаго һайванатлар бағчисидики бәзи урангутан вә папа шимпәнзә түрлиригә вухән вируси ваксинаси әмләнди. бу инсанлардин сирт тунҗи қетим һайван түригә вухән вируси ваксинаси әмләш болуп һесаблиниду.
йанвар ейи (2021) да сан дийаго һайванатлар бағчисида сәккиз горилланиң вухән вируси билән йуқумланғанлиқи байқалғандин кейин, мәсул хадимлар дәрһал һәрикәткә өткән иди.
һазир йахшилиниш басқучиға киргән һайванлар хәтәрдин өтүп кәткән болсиму, мал дохтурлириниң топлишип йашайдиған горилла, урангутан, шимпәнзә вә башқа сүт әмгүчи һайванларға вухән вируси ваксинаси әмләйдиғанлиқи қәйт қилинди.
һайванатлар бағчиси йуқири дәриҗилик мәсули надин ламберски (Nadine Lamberski): «кесәлликләр һайванлардин һайванларға интайин тез тарқилиду. йахшилиниш басқучиму наһайити қийин өтиду. ваксина әмләнгән һайванларда һазирғичә һечқандақ кесәллик аламити көрүлмиди, әһвали наһайити йахши» деди.
у маймунларға инсанлар үчүн йасалған зукам вә қизил кесәлликлири ваксиналирини әмләшниң кәң омумлашқанлиқини қәйт қилди.
