afghanistanda ayal zhurnalistlarning öltürilishige taliban jawabkar
afghanistan hökümiti tünügün nangarhar wilayitide bir xususiy téléwiziye qanilida ishleydighan 3 ayal xadimning öltürilishige talibanning jawabkarliqi barliqini élan qildi.
türkiye awazi radiyosi xewiri: afghanistan pirézidénti eshref gheni élan qilghan bayanatida, talibanning bu xil hujumlarni qilish arqiliq wehshiylik muhiti yaritishqa we jumhuriyetni qoghdash üchün kötürülüwatqan awazlarni jimiqturushqa urunuwatqanliqini bildürdi.
nangarhar saqchi dairilirimu hujumni qilghan 3 kishining tutulghanliqini we soraqtin kéyin hujumning talibanlar teripidin élip bérilghanliqi toghrisida yekün chiqirilghanliqini élan qildi.
taliban bayanatchisi zabihullah mujahid bolsa, hujum bilen munasiwiti yoqliqini ilgiri sürdi.
térorluq teshkilati daésh teripidin élan qilinghan bayanatta, afghanistan hökümitini qollaydighan axbarat organlirida ishleydighan mezkür üch ayal xadimni özlirining öltürgenliklirini élan qilghan idi.
2020-yili 12-aydimu yene, oxshash téléwiziye qanilida ishleydighan ayal zhurnalist malalay meywand qoralliq hujumgha uchrap qaza qilghan idi.
