gollandiyede kowid-19 tekshürüsh merkizige bomba hujumi qilish weqesi yüz berdi
gollandiyening bowénkardspél shehiridiki kowid-19 tekshürüsh merkizige yéqin jayda partilash yüz berdi.
türkiye awazi radiyosi xewiri: gollandiye saqchilirining tiwittérda élan qilghan bayanatida, shu yerning waqti etigen saet 06.55 etrapida yüz bergen partlashni turuba tipidiki bomba keltürüp chiqarghanliqi hemde hujumda yarlinish we qaza qilish hadisisi körülmigenliki bildürüldi.
bayanatta, partilashning tesiride tekshürüsh merkizining eynekliri sunghanliqi we partlashning kowid-19 tekshürüsh merkizi téxi échilmighan bir peytte yüz bergnliki tekitlendi.
partlashning bomba hujumi ikenliki we kowid-19 tekshürüsh merkizining nishan qilinghanliqidin gumanlanghan saqchilar, etrapta bashqa partilatquchlarmu bolishi mumkin, dégen guman bilen kochini qatnashtin toxtatti.
gollandiyede 12-aydimu bir qisim kowid-19 tekshürüsh merkezlirige qarita oxshash hujumlar yüz bergen bolup, urk arilidiki bir tekshürüsh merkizige ot qoyup bérilgen idi.
amistérdam we urmond sheherliridimu tekshürüsh merkezlirining dériziliri chiqip tashlanghan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.