исраилийә һәрбий сот мәһкимиси пәләстинлик сабиқ парламент әзасини қамақ җазасиға һөкүм қилди
исраилийә һәрбий сот мәһкимиси ишғалийәт астидики ийордан дәрйасиниң ғәрбий қирғиқидики пәләстин хәлқ азадлиқ фиронтиниң рәһбири халидә җәррарни 2 йиллиқ қамақ җазасиға һөкүм қилди.
1593439
түркийә авази радийоси хәвири: пәләстин кишилик һоқуқ тәшкилати замирниң ахбарат васитилири байанатчиси һиба һамаршәниң билдүрүшичә, рамаллаһниң ғәрбидики исраилийә офер һәрбий сот мәһкимиси, халидә җәррарни 2 йиллиқ қамақ җазасиға вә 4000 шекел (тәхминән 1200 доллар) җәриманә төләшкә һөкүм қилған.
2019 – йили, 31 – өктәбир күни, исраилийә әскәрлири халидә җәррарниң ишғал астидики ийордан дәрйасиниң ғәрбий қирғиқидики өйигә бастуруп кирип, уни тутуп кәткәниди.
у, 2019 – йили, 28 – феврал күни, тәхминән 20 айлиқ тутқунлуқтин кейин, исраилийә даирилири тәрипидин қойуп берилгәниди.
