amérika nawalniy sewebidin rusiyege émbargo yürgüzdi

türkiye awazi radiyosi xewiri: amérika rusiye öktichi rehbiri aléksiy nawalniyning zeherlinishige munasiwetlik bezi rusiye emeldarlirigha émbargo yürgüzülidighanliqini jakarlidi. emma, émbargo yürgüzülgen kishilerning isimliri ashkarilanmidi.

baydin hökümitidiki yuqiri derijilik bir emeldarning bildürüshiche, amérika istixabarat idarisi nawalniyning rusiye fédératsiye xewpsizlik idarisi (FSB) teripidin nowichok zehiri bilen zeherlengenliki heqqide xulase chiqarghan.

émbargo qarari ramkisida, yette rusiye emeldarining amérikadiki mal-mülki tonglitildi. 14 organgha qarshi tedbirlerning élinidighanliqi bildürüldi.

amérika soda ministirliqidiki bir emeldar, rusiyening bir tetqiqat inistituti bilen 13 rusiye shirkitini öz ichige alghan 14 organgha, bezi mallarning amérikadin mal éksport qilishning cheklengenlikini élan qildi.

mezkur emeldar, 13 shirketning toqquzining merkizining rusiyede, üchining gérmaniyede, birining shiwéytsariyede ikenlikini bildürüp, buning rusiyening ximiye sanaitini nishan qilghan bir qedem ikenlikini eskertti.

yene bir tereptin, nawalniyning qoyup bérilishi telep qilinmaqta.

rusiye tashqi ishlar ministiri sérgéy lawrow ilgiri élan qilghan bayanatida, amérikaning yürgüzüsh éhtimali bolghan émbargolirigha jawab bérilidighanliqini éytqan idi.

u: «amérikaliq kesipdashlirimizni we ularni ülge qilghan yawropa ittipaqi, her daim sewebsiz émbargo yürgüzidu» dégen idi.