amérika husiylarni hujumlirini toxtitishqa chaqirdi

amérika qoshma ishtatliri tashqi ishlar ministiri antoni blinkén iran qollawatqan husiylarni seudi erebistangha qaratqan bashqurulidighan bomba hujumlirini we yemen ichidiki hujumlirini toxtitishqa chaqirdi.

1593216
amérika husiylarni hujumlirini toxtitishqa chaqirdi

türkiye awazi radiyosi xewiri: blinkén, birleshken döletler teshkilati teripidin chaqirilghan «yemen üchün xelqaraliq insanperwerlik yardem toplash» témiliq tor yighinida qilghan sözide, seudi erebistan we yemen hökümitining urush toxtitish we urushqa xatime bérishni xalaydighanliqi we bu heqtiki iradisining qetiylikini tekitlep mundaq dédi: «husiylarni urushni uzartiwatqan chégra halqighan hujumliri we herbiy atakalirini toxtitishqa chaqirimiz. birleshken döletler teshkilati muressechilik qiliwatqan basquchni we birleshken döletler teshkilati yemen alahide wekili martin grifftishning urush toxtitish, insanperwerlik yardem buyumlirini yemen xelqige yetküzüp bérish we tinchliq söhbetlirini qaytidin bashlash yolida körsitiwatqan tirishchanliqini qollaymiz.»

barliq tereplerning puqralargha qaritilghan hujumlarni toxtitishi lazimliqini eskertken blinkén, husiylarni bolupmu yemenning meghrib wilayitige qaratqan hujumlirini toxtitishqa chaqirdi.

shiwétsariye bilen shiwéytsiye teripidin uyushurulghan, yemen üchün 4 milyard dollargha yéqin insanperwerlik yardem toplinishi nishan qilinghan yighinda, blinkén, amérika qoshma ishtatlirining 191 milyon dollarliq insanperwerlik yardem buyumliri yardem qilidighanliqini éytti.

amérika qoshma ishtatliri, insanperwerlik yardem buyumlirining yemenge yetküzülüshi üchün husiylarni 12 – yanwar küni «térrorluq teshkilatliri tizimliki» din chiqiriwetkenidi.

husiylar bolsa, shu waqittin tartip hazirghiche seudi erebistangha köp qétim hujum qildi.


خەتكۈچ: #blinkén , #husiy , #yemen , #amérika

مۇناسىۋەتلىك خەۋەرلەر