tokyo béyjingning sinkako aralliri toghrisidiki sözlirige naraziliq bildürdi

yaponiye sherqiy xitay déngizdiki detalashliq sénkaku arilini özining «ichki rayoni» dep körsetken xitayning «xelqara qanungha xilapliq qilghanliqi»ni bildürdi.

1593338
tokyo béyjingning sinkako aralliri toghrisidiki sözlirige naraziliq bildürdi

türkiye awazi radiyosi xewiri: yaponiye dölet mudapie ministiri kishi nobu muxbirlarni kütüwélish yighini ötküzüp, detalashliq arallarning xitay dölet mudapie ministirliqining tor bétide «xitayning ichki rayoni» dep körsitilishige naraziliq bildürdi.

ministir kishi sénkaku arallirining tarix we xelqara qanun jehettin «yaponiyening ichki rayoni» ikenlikini ilgiri sürüp, mezkur arallarning nöwette yaponiyening kontrolluqida ikenlikini otturigha qoydi.

u mundaq dédi: «xitay déngiz qirghiqi muhapizet paraxotlirining xitayning rayondiki bir tereplime dewalirigha asasen élip bérilghan paaliyetlirini qobul qilghili bolmaydu. biz munasiwetlik organlar bilen birlikte charlash we közitish paaliyetlirini élip bérish üchün teyyarliq xizmetlirimizni dawamlashturimiz.»

xitay tashqi ishlar ministirliqi bayanatchisi wang wénbin tünügün ötküzülgen muxbirlarni kütüwélish yighinida söz qilip, detalashliq arallar toghrisida «weziyetni murekkepleshtürüwétidighan xeterlik söz we heriketlerdin saqlinish kérek» dégenidi.

dölet mudapie ministirliqining tor bétide: «bu arallarning xitayning ichki quruqluqi ikenlikining yéterlik derijide tarixiy we qanuniy asasi bar. xitay déngiz qirghiqi muhapizet etritining charlash we qanun ijra qilish paaliyetlirining qanunluq ikenliki munazire telep qilmaydu, hemde normal halitide dawamlishidu» dégen ibarilerge orun bérilgenidi.


خەتكۈچ: #sinkako , #xitay , #yaponiye

مۇناسىۋەتلىك خەۋەرلەر