токйо бейҗиңниң синкако араллири тоғрисидики сөзлиригә наразилиқ билдүрди

йапонийә шәрқий хитай деңиздики дәталашлиқ сенкаку арилини өзиниң «ички райони» дәп көрсәткән хитайниң «хәлқара қанунға хилаплиқ қилғанлиқи»ни билдүрди.

1593338
токйо бейҗиңниң синкако араллири тоғрисидики сөзлиригә наразилиқ билдүрди

түркийә авази радийоси хәвири: йапонийә дөләт мудапиә министири киши нобу мухбирларни күтүвелиш йиғини өткүзүп, дәталашлиқ аралларниң хитай дөләт мудапиә министирлиқиниң тор бетидә «хитайниң ички райони» дәп көрситилишигә наразилиқ билдүрди.

министир киши сенкаку араллириниң тарих вә хәлқара қанун җәһәттин «йапонийәниң ички райони» икәнликини илгири сүрүп, мәзкур аралларниң нөвәттә йапонийәниң контроллуқида икәнликини оттуриға қойди.

у мундақ деди: «хитай деңиз қирғиқи муһапизәт парахотлириниң хитайниң райондики бир тәрәплимә дәвалириға асасән елип берилған паалийәтлирини қобул қилғили болмайду. биз мунасивәтлик органлар билән бирликтә чарлаш вә көзитиш паалийәтлирини елип бериш үчүн тәййарлиқ хизмәтлиримизни давамлаштуримиз.»

хитай ташқи ишлар министирлиқи байанатчиси ваң венбин түнүгүн өткүзүлгән мухбирларни күтүвелиш йиғинида сөз қилип, дәталашлиқ араллар тоғрисида «вәзийәтни мурәккәпләштүрүветидиған хәтәрлик сөз вә һәрикәтләрдин сақлиниш керәк» дегәниди.

дөләт мудапиә министирлиқиниң тор бетидә: «бу аралларниң хитайниң ички қуруқлуқи икәнликиниң йетәрлик дәриҗидә тарихий вә қануний асаси бар. хитай деңиз қирғиқи муһапизәт әтритиниң чарлаш вә қанун иҗра қилиш паалийәтлириниң қанунлуқ икәнлики муназирә тәләп қилмайду, һәмдә нормал һалитидә давамлишиду» дегән ибариләргә орун берилгәниди.



مۇناسىۋەتلىك خەۋەرلەر