shahzade muhemmed bin selmangha émbago yüzgüzüsh qanun layihesi amérika awam palatasigha sunuldi

amérika awam palatasining üch ezasi jamal kashiqchining öltürülüshide jawabkarliqi bolghanliqi sewebidin seudi erebistanning text warisi shahzade muhemmed bin selmanghimu émbargo yürgüzülishi kéreklikini öz ichige alghan qanun layihesi sundi.

1593297
shahzade muhemmed bin selmangha émbago yüzgüzüsh qanun layihesi amérika awam palatasigha sunuldi

türkiye awazi radiyosi xewiri: palata ezaliridin tom malinowiski, jamis mik gowérn we andiy kim mejlis omumiy yighinigha «seudi erebistanning éghir kishilik hoquq depsendichiliki jawabkarliq qanuni» namliq qanun layihesini sunghanliqini élan qildi.

qanun layiheside, döletlik istixbarat idarisi (DNI) teripidin élan qilinghan doklatta, text warisi shahzade muhemmed bin selmanningmu seudi erebistanliq zhurnalist jamal kashiqchining öltürülüshide jawabkarliqi barliqi éniq otturigha qoyulghanliqi we shunga uningmu émbargo tizimlikige kirgüzüshülishi kérekliki tekitlendi.

qanun layiheside yene, amérika seudi erebistangha sétip bergen qorallarning ishlitilishining amérika qanunigha uyghun boluwatqan yaki bolmaywatqanliqi toghrisida palatagha qerellik doklat bérish kéreklikimu ayrim madde süpitide kirgüzüldi.

bu qanun layihesining maqullinishi üchün aldi bilen awam palatasida bélet tashlash arqiliq testiqlinishi, andin kéngesh palatasidimu testiqtin ötüp, axirida pirézidént baydin imza qoyushi kérek.

döletlik istixbarat idarisi (DNI) teripidin jüme küni élan qilinghan we jamal kashiqchining öltürülüshini shahzade muhemmed bin selmanning testiqlighanliqi eskertilgen doklati zor inkas qozghighan bolup,  emma baydin hökümiti muhemmed bin selmangha qarita héchqandaq émbargo qarari chiqarmighan idi.

text warisi shahzade muhemmed bin selmangha qaratqan tenqidliri bilen tonulghan «washington pochtisi» gézitining seudi erebistanliq yazghuchisi jamal kashiqchi 2018-yili 10-ayning 2-küni seudi erebistanning  istanbuldiki bash konsulxanisigha kirgenche qaytip chiqalmighan idi.

kéyinche jamal kashiqchining konsulxanida öltürülgenliki we  jesiting parchilanghanliqi ashkarilanghan idi.  



مۇناسىۋەتلىك خەۋەرلەر