«Pfizer-BioNTech» вә «Oxford-AstraZeneca» ковид-19 ға қарши әң күчлүк ваксина болди

«Pfizer-BioNTech» вә «Oxford-AstraZeneca» ваксинисиниң бир қетимлиқ әмлинишиниңла дохтурханида йетиш нисбитини %80 тин көпрәк азайтқанлиқи билдүрүлди.

1593333
«Pfizer-BioNTech» вә «Oxford-AstraZeneca» ковид-19 ға қарши әң күчлүк ваксина болди

түркийә авази радийоси хәвири: әнглийә аммиви сәһийә идариси «Pfizer-BioNTech» вә «Oxford-AstraZeneca» ваксинисиниң ковид -19 йуқумлинишини азайтиштики тәсири тоғрисида тунҗи байқашлирини елан қилди.

буниңға асасланғанда, ваксина әмлинип 4 һәптидин кейин, «Pfizer-BioNTech» ваксинисиниң бир қетимлиқ әмлинишидә ковид -19 ниң алдини елишта %57-61 үнүм көрсәткәнлики вә «Oxford-AstraZeneca» ваксинисиниң %60-73 пирсәнт үнүм көрсәткәнлики ениқланған.

80 йаштин йуқири кишиләр әмләнгәндин кейинки 3-4 һәптә ичидә, һәр икки ваксининиң биринчи әмлинишидила дохтурханида йетиш нисбитиниң алдини елишта %80 тин йуқири үнүм йаратқанлиқи ениқланған. «Pfizer-BioNTech» ваксинисиниң ковид-19 сәвәбидин өлүш нисбитини %83 азайтқанлиқи испатланған.

сәһийә министири мат хәнкок күндилик мухбирларни күтүвелиш йиғинидики байанатида, бу тәтқиқат нәтиҗисигә қарита «наһайити күчлүк» дәп баһа бәрди вә ваксининиң һәм дохтурханилардики бесимини азайтишқа, һәм һайат қутқузушқа йардими болуватқанлиқи көрүлгәнликини  ейтти.

әнгилийәдә ковид -19 ниң техиму әҗәллик вә тез тарқилишчан йеңи түри байқалғандин кейин  йуқумлиниш вә өлүш нисбитиму ашқан иди.

бирақ  5-йанвар башланған карантина вә ваксина әмләшниң тәсиридә, күндилик йуқумланғучиларниң сани 10 миңдин төвәнлигән вә қаза қилиш нисбити 500 ниң астиға чүшкән иди.



مۇناسىۋەتلىك خەۋەرلەر